I og med at me leverer Internett via radiolinker er det viktig å være klar over fenomen som kan oppstå med radiobølgjer. Med datatrafikk kan ein ikkje sjå kva som er galt som ein ville ha gjort på ein TV med dårlig bilete. Det er i hovudsak 3 faktorer som er avgjerande for kvaliteten. Det er Signalstyrken, refleksjonar og støy,. For dei som foretar monteringa sjølv er det særs viktig å lese dette.

Signalstyrke:
Dersom signalet er for svakt vil det oppstå retransmisjonar som kan gå ut over hastigheten. Signalstyrken bør være betre enn -80dBm. Dei som har Orinoco produkt kan starta Client manager og måle det under linktesten. I tillegg viser denne støynivået samt pakketap. For dei som har Buffalao airstation kan dette målast med "Ethernet Convertor Manager" Her vert signalstyrken målt i % og den bør være betre enn 20%. For at signalet skal være bra er det viktig at ikkje tapet i coax-kabelen er for stor. Antenna må være tilpassa avstanden du har til nærmaste Aksesspunkt og antenna må peika rett veg.

Refleksjonar.
Refleksjonar fører til at eit ekstra signal når fram til antenna i tillegg til nyttesignalet. Dette signalet er ute av fase og lager dermed forstyrrelser. Er signalet i motfase kan det faktisk kan nulla ut nyttesignalet. Er du plaga med refleksjonar kan du oppleva at forholda endrar seg utan nokon synleg grunn. Det er så små marginer som kan endra ein uheldig refleksjon. Det som skapar refleksjonar er metall eller andre "harde" objekt mellom deg og AP. Dersom antenna vert montert under takskjegget kan dette vere nok. Me anbefaler at antenna vert montert over taket på huset. Andre forhold som kan skapa refleksjonar er sjø. Dersom både client og AP ligg nærmt med sjøen i same høgde kan dette skapa problem. Løysninga på dette kan være 1. tilta antenna litt oppover. 2. Antenne som har mindre opningsvinkel. 3. Montera antenna i bakkant av huset der huset fungerer som skjerming av refleksjonar.

Støy:
Støy kjem vanligvis frå anna utstyr i 2.4Ghz området. Det kan være mikrobølgeovner, trådlaus videooverføring eller andre trådlause sendarar som ligg på nabokanalar. 2.4Ghz området er delt inn i 13 overlappande kanalar på 802.11b utstyr eller 4 kanaler på videooverførings-utstyr. Dette er berre 3-4 kanalar utan overlapping. NettStar har fleire sendarar på same mastene, der me bruker heile 2.4Ghz området. Kva kanal du er kopla på kan variera. Me anbefaler derfor ikkje kundane har trådlause aksesspunkt innanfor huset i 2.4Ghz området. Dette kan forstyrra deg sjølv eller andre NettStar brukarar. Når ein først skal ha eit lokalt nettverk bør ein bruka kabel eller 802.11a utstyr som er på 54Mbit/s og 5Ghz. 802.11b har berre ein effektiv hastighet på ca. 4,5Mbit/s. Detter er lite når ein med kat 5 kabel kan få ein hastighet ca. 95Mbit/s. Dersom ein skal streame video er 4,5 Mbit/s for lite. Ein kan til dømes ikkje streame video frå DREAMBOX.

NettStar bruker det beste utstyret som er tilgjengelig under 802.11b standarden. Det er ein del nye standarder på veg i nye frekvensområder med høgare hastighetar. Me vil gå over til slikt utstyr når det vert tilgjengelig for utendørs bruk. Me vil då kjøre 2 system parallelt.